Pris prynu
157,500 - 70% o’r pris prynu (100% pris - £225,000)
Math yr Eiddo
Tŷ 3 Ystafell Wely
Dyddiad olaf i wneud cais:
5pm, 04.11.26Mae tŷ pâr tair ystafell wely mewn stryd bengaead yn ardal boblogaidd Llaneirwg ar werth. Mae cysylltiadau trafnidiaeth ardderchog â chanol y ddinas, yr M4 a’r A48, felly mae’r eiddo’n agos at siopau ac amwynderau lleol.
Mae hefyd yn nalgylch nifer o ysgolion cynradd gan gynnwys Ysgol Gynradd Oakfield ac Ysgol Pen y Pil ac ysgolion uwchradd gan gynnwys Ysgol Uwchradd y Dwyrain ac Ysgol Gyfun Gymraeg Bro Edern.
Mae gan y tŷ ffenestri gwydr dwbl UPVC, gwres canolog nwy gyda boeler cyfunol (a osodwyd yn 2019), ardal fyw ym mlaen yr eiddo a chegin/ystafell fwyta yn y cefn gyda drysau patio sy’n agor allan i’r ardd gefn, tŷ bach i lawr y grisiau ac ystafell ymolchi deuluol ar y llawr cyntaf, digon o le storio, gan gynnwys atig gyda mynediad iddo o landin y llawr cyntaf, dwy ystafell wely ddwbl ac ystafell wely sengl, a lle parcio dynodedig.
Gwybodaeth am yr Eiddo
Cyntedd – Neuadd fynedfa gyda lloriau laminedig effaith pren. Mynediad i’r tŷ bach i lawr y grisiau. Drws ffrynt cyfansawdd newydd wedi’i osod yn ddiweddar.
Tŷ bach i lawr y grisiau – Tŷ bach ar y llawr gwaelod gyda lloriau finyl arddull mosaig lliw niwtral.
Lolfa (4.55m ar y mwyaf x 4.80m ar y mwyaf) – Ystafell fyw wynebwedd ddeuol eang ym mlaen yr eiddo gyda lloriau laminedig effaith pren a grisiau i’r llawr cyntaf.
Cegin / ystafell fwyta (4.45m x 2.54m) – Cegin ac ardal fwyta o faint da yng nghefn yr eiddo gyda ffenest allanol, drysau Ffrengig sy’n agor allan i’r ardd gefn, lloriau laminedig effaith pren a mynediad i gwpwrdd storio o dan y grisiau. Cypyrddau cegin effaith pren golau, arwyneb gwaith effaith marmor llwyd a phanel tasgu teils niwtral. Lle ar gyfer nwyddau gwyn.
Prif ystafell wely (4.1m x 2.58m) – Ystafell wely ddwbl fawr ym mlaen yr eiddo gyda charpedi lliw niwtral.
Ystafell wely 2 (3.4m x 2.6m) – Ystafell wely ddwbl yng nghefn yr eiddo gyda charpedi lliw niwtral.
Ystafell wely 3 (3.24m x 1.9m) – Ystafell wely sengl gyda charpedi lliw niwtral a mynediad i gwpwrdd awyru sy’n cynnig lle storio ychwanegol
Ystafell ymolchi (1.9m x 1.7m) – Ystafell ymolchi gwyn gyda bath a chawod uwchben, teils lliw niwtral, basn llaw wedi’i fewnosod gyda chwpwrdd oddi tano, a lloriau finyl arddull mosaig lliw niwtral. Ffenest allanol.
Llofft – Ceir mynediad at y llofft llawr caled o landin y llawr cyntaf sy’n cynnig rhagor o le storio.
Gardd – Gardd gefn gaeedig o faint da gyda phatio ac ardaloedd gwair a mynediad o’r ochr.
Parcio – Un lle parcio dynodedig i ochr yr eiddo gyda mannau parcio ychwanegol ar gael yn yr ardal gyfagos hefyd.
Treth Gyngor – Band D
Deiliadaeth – RHYDD-DDALIADOL
Sgôr TPY – C (adroddiad yn ddilys tan 28.06.27. Adroddiad llawn ar gael ar-lein drwy www.gov.uk)
Yr holl loriau, ffitiadau goleuadau, polion llenni a bleindiau yn yr eiddo i aros.
Manylion prynu
70% o’r pris prynu – £157,500
Pris 100% – £225,000
Gwerthir yr eiddo hwn fel ECWITI A RENNIR. Bydd yr ymgeisydd llwyddiannus yn prynu cyfran ecwiti o 70% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.
Bydd Cyngor Caerdydd yn cadw’r gyfran ecwiti o 30% sy’n weddill ar yr eiddo.
Nid oes rhent na llog yn daladwy ar y 30%.
Gofyn am wylio
Mae’r gwylio’n digwydd Dydd Iau, 10 Medi (Rhwng 5.00pm – 7.30pm).
Willowbrook Gardens, Llaneirwg, Caerdydd, CF3 0BF