Cynllun Creu Lleoedd Adamsdown a Splott

Rydym yn creu Cynllun Creu Lleoedd ar gyfer wardiau Adamsdown a’r Sblot – ac rydyn ni eisiau clywed oddi wrthych.

Bydd y cynllun hwn yn cael ei ddatblygu gyda’r gymuned i helpu i nodi:

• blaenoriaethau lleol
• materion neu broblemau allweddol
• cyfleoedd ar gyfer y dyfodol

Bydd y cynllun hwn yn canolbwyntio ar wella’r lleoedd lle mae pobl yn byw, yn gweithio ac yn treulio amser. Er mwyn gwneud hyn yn iawn, mae angen i ni ddeall eich profiad o fyw  yn yr ardal.

Yr holiadur hwn yw cam cyntaf y broses. Mae’n gofyn am:

• brofiadau bob dydd o ganolfannau lleol, strydoedd a mannau cyhoeddus
• symud a theithio o amgylch yr ardal
• mynediad i fannau gwyrdd a chwarae
• bywyd cymunedol
• cyfleoedd tymor hwy i’r gymdogaeth

Dros yr haf, byddwn hefyd:

• yn cynnal sesiynau ymgysylltu wyneb yn wyneb;
• yn siarad â grwpiau cymunedol a sefydliadau lleol; ac
• yn dod i siarad â phobl mewn digwyddiadau cymunedol a chlybiau lleol.

Yn dilyn y cam hwn, byddwn yn dechrau datblygu amrywiaeth o opsiynau. Gallai’r rhain gynnwys:

• newidiadau byrdymor
• prosiectau tymor hwy sy’n cynnwys partneriaid gwahanol

Trwy gydol y broses, byddwn yn parhau i weithio gyda’r gymuned i lunio a mireinio’r opsiynau hyn.

Bydd cyd-ddatblygu’r Cynllun Creu Lleoedd yn helpu i:

• gydlynu newidiadau wedi’u cynllunio ar draws yr ardal
• cefnogi mynediad at raglenni cyllido perthnasol yn y dyfodol