Mae Cyngor Caerdydd yn ceisio ailddatblygu ardal fechan o dir tai yn Frank Road, Trelái a ddangosir yn y llun uchod. Mae’r safle yn rhan o Raglen Partneriaeth Cartrefi Caerdydd – ymrwymiad ar y cyd â Wates Residential Ltd i ddarparu cartrefi a chymunedau ledled y rhanbarth, gan helpu i fynd i’r afael â’r galw presennol am dai trwy ddarparu o leiaf 2,260 o gartrefi newydd dros y 10 mlynedd nesaf.
Manylion y Prosiect
Mae Cyngor Caerdydd yn gweithio mewn partneriaeth â Wates a Down to Earth, menter gymdeithasol sy’n cefnogi unigolion drwy brosiectau cymunedol ac adeiladu cynaliadwy ymarferol, i ddarparu pedwar cartref dwy ystafell wely ar y safle.
Mae Down to Earth wedi ymrwymo i gyflawni prosiectau adeiladu cynaliadwy sy’n creu hyfforddiant a chyfleoedd cyflogaeth ystyrlon. Bydd eu cyfranogiad nid yn unig yn helpu i ddarparu cartrefi newydd, ond hefyd yn cyfrannu at fanteision cymdeithasol, economaidd ac amgylcheddol ehangach i’r gymuned leol.
I ddysgu mwy am Down to Earth, ewch i’w gwefan.
Un o brif uchelgeisiau’r prosiect hwn yw cyd-fynd â’r Llyfr Patrwm Tai ar y Cyd, a lansiwyd yn ddiweddar gan Lywodraeth Cymru. Mae’r fenter hon yn hyrwyddo’r gwaith o ddatblygu cartrefi sydd wedi’u cynllunio’n dda, sy’n gynaliadwy ac sy’n canolbwyntio ar y gymuned ledled Cymru.
Statws Presennol
Mae cais cynllunio wedi’i gyflwyno ar gyfer y datblygiad arfaethedig. Mae cyfle i aelodau o’r cyhoedd weld y cynigion a gwneud sylwadau arnynt hyd at 24 Gorffennaf 2026.
Yn ystod y cam hwn
Bydd yr Awdurdod Lleol yn hysbysu partïon perthnasol o’ch cais ac yn eu gwahodd i roi eu barn. Gall hyn gynnwys:
- Gosod hysbysiadau safle
- Hysbysebu yn y cyfryngau lleol
- Ysgrifennu at gymdogion
- Cysylltu â chyrff statudol fel Ymgymerwyr Carthffosiaeth
Cyfeirnod y cais cynllunio yw 26/01194/FUL a gellir dod o hyd i’r cais cynllunio yma.
Cysylltwch â ni
Os oes gennych gwestiynau neu bryderon am y prosiect hwn, cysylltwch â ni.