Trem y Môr, Grangetown

Mae Ystâd Trem y Môr yn gymuned gref a bywiog yng nghanol Grangetown. Mae Cyngor Caerdydd yn ailddatblygu’r ystâd hon drwy newid y 180 eiddo presennol sy’n cynnwys y bloc uchel presennol o’r 1970au gyda hyd at 360 o gartrefi newydd.

Bydd y prosiect yn cyflwyno

• cartrefi ddeiliadaeth gymysg, eang, hynod effeithlon o ran ynni, carbon isel, o ansawdd uchel,
• cysylltedd gwell i’r ystâd ac i’r gymuned ehangach,
• gwelliannau i’r man agored cyhoeddus yn y Marl.

Penodwyd Wates Residential yn bartner datblygu ar gyfer y prosiect. Byddant yn cyflawni pob cam o’r gwaith adfywio a’r flaenoriaeth uniongyrchol yw cam 1 Llety Pobl Hŷn sy’n disodli’r tŵr uchel presennol.

Mae Wates Residential wedi dechrau gwaith ar gam cyntaf cynllun adfywio Trem y Môr.

Bydd y cam cyntaf yn cyflwyno 126 o fflatiau pobl hŷn mewn 2 floc yn lle’r tŵr uchel presennol.

Bydd Bloc A yn gynllun Byw yn y Gymuned fydd yn cynnwys 102 o fflatiau, cyfleusterau cymunedol helaeth, teras ar y to a chaffi.

Bydd Bloc B yn llety byw’n annibynnol yn cynnwys 24 o fflatiau a theras ar y to.

Bydd y ddau floc yn cynnig fflatiau eang, hygyrch gyda gofod amwynder preifat a balconïau.  Bydd tenantiaid presennol blociau fflatiau uchel Trem y Môr yn cael eu blaenoriaethu i’r ddau floc.

Cymeradwywyd y cais materion a gadwyd yn ôl ar gyfer camau 2-6 a rhan o gam 7 ym mis Mawrth 2026. Mae’r dogfennau cynllunio ar gael i’w gweld ar Borth Cynllunio Cyngor Caerdydd. Mae’r animeiddiad yn dangos sut olwg fydd ar brosiect adfywio Channel View Road ar ôl iddo orffen.

Cynnydd Presennol ar y Safle – 08.07.26