Clos y Faenor, Y Tyllgoed

Wedi’i leoli yn hen Ddatblygiad Cwrt Sant Ioan Redrow oddi ar Heol Llantrisant yn y Tyllgoed, mae tŷ pâr dwy ystafell wely ar gael.

Gyda chysylltiadau trafnidiaeth ardderchog â Chanol y Ddinas a’r M4, mae’r eiddo yn agos at siopau lleol, trafnidiaeth gyhoeddus, beicffyrdd, cyfleusterau chwaraeon rhagorol, llawer o fannau agored, ac mae hefyd yn nalgylch nifer o ysgolion cynradd ac uwchradd.

Wedi’i adeiladu yn 2022, mae’r tŷ pâr dwy ystafell wely hynod ynni-effeithlon hwn wedi’i addurno i safon ardderchog ac mae ganddo wydr dwbl drwyddi draw, lloriau ansawdd da yn yr eiddo cyfan, boeler cyfunol gradd A, system gwres canolog nwy, digon o le storio gan gynnwys nifer o gypyrddau storio ynghyd â mynediad at y llofft, tŷ bach ar y llawr gwaelod, dwy ystafell wely ddwbl, ystafell ymolchi deuluol, parcio dynodedig a lolfa fawr gyda drysau Ffrengig sy’n agor allan ar ardd o faint dda ac sydd wedi’i chadw’n dda gyda mynediad o’r ochr.

Gwybodaeth am yr Eiddo 

Cyntedd — Ardal gyntedd gyda llawr laminedig steil pren tywyll a goleuadau ar y wal allanol.  Mynediad i ddau gwpwrdd storio a thoiled.

Tŷ bach – 1.64m x 1.11m) – paneli wal wedi’u gosod yn ddiweddar, teils llawr marmor gwyn.

Lolfa (3.98m x 3.91m) – ardal fyw a bwyta cynllun agored eang gyda llawr laminedig steil pren tywyll a drysau Ffrengig yn agor allan ar ardd gefn.  Polyn llenni a silff ben tân bren wedi’i gosod ar y wal i aros.

Cegin (2.78m x 1.89m) – Cegin fodern wedi’i ffitio’n llawn i flaen yr eiddo gyda chypyrddau gwyn steil y Siglwyr, arwyneb gwaith a chefn effaith pren tywyll, ffwrn drydanol integredig, hob nwy gyda phanel tasgu dur gwrthstaen a ffan echdynnu, a lle ar gyfer nwyddau gwyn.  Llawr laminedig steil pren tywyll a ffenestr allanol.

Prif ystafell wely (3.91m x 3.37m) – Ystafell wely ddwbl o faint da yng nghefn yr eiddo gyda llawr laminedig  Y bleindiau tywyllu i aros.

Ystafell wely 2 (3.92m x 2.52m) – Ystafell wely ddwbl maint da i flaen yr eiddo gyda llawr laminedig a mynediad i gwpwrdd storio. Y bleindiau tywyllu i aros.

Ystafell ymolchi (2.00m x 1.71m) — Ystafell ymolchi gwyn gyda chawod gysylltiedig â’r prif gyflenwad uwchben, panel cawod gwydr, teils wal lliw llwyd i’r ardal bath a phaneli pren i weddill yr ystafell. Rheilen tyweli ddu wedi’i gosod ar y wal a theils marmor gwyn.

Atig – atig heb ei fordio sy’n cynnig lle storio ychwanegol.  Gorddrws y gellir mynd ato o landin y llawr cyntaf.

Gardd Gefn — Gardd gefn wedi’i chynnal yn dda gyda phatio, gwelyau blodau a lawnt, tap allanol, golau diogelwch synhwyrydd symud a mynediad ochr.  Sied i aros.

Parcio – 2 le wedi eu neilltuo o flaen yr eiddo, gyda lleoedd ychwanegol i ymwelwyr yn y cyffiniau.

Treth Gyngor – D (£1922 y flwyddyn 24/25)

Deiliadaeth – RHYDD-DDALIAD

Tâl Rheoli Ystad — yn cwmpasu cynnal a chadw a draenio ardaloedd cymunedol wedi’u tirlunio (taliadau heb eu gweithredu eto, ond byddant oddeutu £200 y flwyddyn)

Sgôr TPY — B (Dilys tan Chwefror 2032. Adroddiad llawn ar gael ar-lein drwy www.gov.uk)

Gwarant NHBC – dilys tan fis Hydref 2032

Yr holl loriau, ffitiadau goleuadau a’r bleindiau/polion llenni fel y’u gwelir yn yr eiddo i aros.

Manylion Prynu

Gwerthir yr eiddo hwn fel ECWITI A RENNIR. Bydd yr ymgeisydd llwyddiannus yn prynu cyfran ecwiti o 70% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw’r gyfran ecwiti o 30% sy’n weddill ar yr eiddo.

Nid oes rhent yn daladwy ar y 30%.

Pris

70% Pris Prynu – £199,500
100% Pris – £285,000