Pris prynu

157,000 - 70% o’r pris prynu (100% pris - £225,000)

Math yr Eiddo

Tŷ   3 Ystafell Wely

Dyddiad olaf i wneud cais:

5pm, 23.04.26 (Teuluoedd) / 5pm, 21.05.26 (Olaf)

Mae tŷ teras modern, tair ystafell wely mewn stryd bengaead yn ardal boblogaidd Llaneirwg ar gael. Mae cysylltiadau trafnidiaeth ardderchog â chanol y ddinas, yr M4 a’r A48, felly mae’r eiddo’n agos at siopau ac amwynderau lleol.

Mae hefyd yn nalgylch nifer o ysgolion cynradd gan gynnwys Ysgol Gynradd Oakfield ac Ysgol Pen y Pil ac ysgolion uwchradd gan gynnwys Ysgol Uwchradd y Dwyrain ac Ysgol Gyfun Gymraeg Bro Edern.

Mae’r tŷ wedi’i addurno’n hyfryd ac mae’n elwa ar ffenestri gwydr dwbl UPVC, gwres canolog nwy a boeler cyfunol, ardal fyw cynllun agored yng nghefn yr eiddo gyda drysau patio sy’n agor allan i’r ardd gefn, cegin wedi’i lleoli ym mlaen yr eiddo, tŷ bach i lawr y grisiau ac ystafell ymolchi deuluol ar y llawr cyntaf, digon o le storio, gan gynnwys llofft gyda mynediad iddo o’r llawr cyntaf, dwy ystafell wely ddwbl ac ystafell wely sengl a 2 le parcio dynodedig.

Yn unol â Pholisi Enwebu Cartrefi Cyntaf Caerdydd ar gyfer eiddo 3 ystafell wely, bydd ceisiadau gan aelwydydd teuluol cymwys yn cael eu blaenoriaethu i’w hasesu hyd at 23.04.26.  Bydd ceisiadau a dderbynnir gan bob aelwyd gymwys arall yn cael eu hasesu ar ôl 23.04.26.

  • Llun 1 – Blaen yr Eiddo Llun yn dangos blaen yr eiddo. Rhes o dai teras brics gyda ffenestri a drysau gwyn. Yng nghanol y rhes mae'r eiddo sydd ar werth. Mae car du wedi'i barcio ar y chwith a char gwyn ar y dde o flaen yr eiddo ar y dreif. Mae bin olwynion du, bin bwyd brown bach a mainc storio llwyd tywyll o flaen yr eiddo.
  • Llun 2 – Cyntedd Llun o'r cyntedd a dynnwyd o'r drws blaen. Cyntedd gyda waliau gwyn. Ar y dde mae rheilen ddillad gyda dillad amrywiol, gan gynnwys siaced brown golau. Ar y ddwy wal mae printiau cynfas. Mae gan y grisiau ar y chwith o'r cyntedd garped streipiog tywyll. Mae’r lolfa ar ben pella’r cyntedd yng nghanol y llun yn rhannol weladwy.
  • Llun 3 – Tŷ Bach Llawr Gwaelod Llun o'r tŷ bach llawr gwaelod wedi’i dynnu o'r drws. Sinc cornel gwyn ar y chwith o dan ffenestr farugog, gyda nwyddau ymolchi mewn basged wen ar y silff ffenestr. Yn y canol mae rheiddiadur a stand papur toiled, ac ar y dde mae toiled gwyn gyda sedd wedi'i chodi a drych teils glas uwchben. Blwch ffiws a bachau cotiau ar y wal gyferbyn â'r drws. Waliau gwyn.
  • Llun 4 – Cegin Ffotograff o'r gegin a dynnwyd o ben pella’r gegin. Cypyrddau pren golau ar y chwith uwchben wyneb gwaith llwyd, teils mosaig llwyd golau a sinc. Mae ffenestr wen gyda bleind pren ar ben pella’r ystafell gyda sawl bin oddi tani. Ar y dde mae 2 uned silffoedd tywyll sy'n dal offer cegin ac eitemau bwyd. Waliau hufen a lloriau finyl arddull mosaig lliw niwtral.
  • Llun 5 – Lolfa Llun o’r lolfa a dynnwyd o’r drws. Cadair freichiau lledr brown tywyll ar y chwith a soffa sy’n cyd-fynd ar y dde. Uned deledu gwyn hir ar hyd y wal chwith gyda theledu, ynghyd â chwpwrdd storio gwyn ar y wal a silff gwyn uwchben, bwrdd bwyta gyda chadeiriau du yng nghanol y llun yn erbyn y wal gefn. Drysau patio a ffenestr fawr ar y wal gefn gyda'r ardd gefn yn rhannol weladwy. Wal nodwedd llwyd tywyll i'r chwith a'r waliau eraill wedi'u paentio'n wyn. Lloriau laminedig ag effaith pren golau.
  • Llun 6 – Y Brif Ystafell Wely Llun o'r brif ystafell wely a dynnwyd o'r drws. Mae gwely dwbl gyda phen gwely llwyd golau a duvet lliw golau yng nghanol chwith y llun. Ar ochr chwith y gwely mae bwrdd gwely gwyn ac ar y dde ohono mae silffoedd storio. Mae sawl llun ar y wal a phrint cynfas tirwedd uwchben y gwely. Ar y dde mae ffenestr fawr gyda llenni llwyd uwchben rheiddiadur gwyn, gyda rheilen ddillad i'r dde ohoni. Waliau gwyn a llawr laminedig ag effaith pren golau.
  • Llun 7 – Ystafell wely 2 Llun o'r ail ystafell wely a dynnwyd o'r drws. Mae gwely ar y dde wedi'i orchuddio â duvet patrymog llwyd golau. Mae matres ychwanegol i'r dde ohono yn pwyso yn erbyn y wal. Ar ben pella’r wal chwith (ger y ffenestr) mae alcof gyda 2 silff bren uwchben desg a chadair lwyd. Mae cwpwrdd dillad pren gyferbyn â'r ddesg (ar ben pella’r gwely) gyda blychau storio ar ei ben. Mae ffenestr gyda llenni gwyrdd ar ben pella’r ystafell wely gyferbyn â'r gwely gyda rheiddiadur gwyn oddi tani.
  • Llun 8 – Ystafell wely 3 Llun o'r drydedd ystafell wely a dynnwyd o'r drws. Mae'r ystafell wedi'i gosod fel ystafell astudio. Ar flaen chwith y llun mae cadair ledr brown golau yn rhannol weladwy gyda silffoedd pren uwchben ar hyd y wal wedi'u llenwi â llyfrau a blychau storio. Ar y dde mae rheilen ddillad ddu gyda chrysau’n hongian. Mae ffenestr â bleind Fenisaidd gwyn yng nghanol y lluniau (gyferbyn â mynedfa'r drws), gyda blychau amrywiol ar y llawr o'i blaen. Waliau hufen a llawr laminedig ag effaith pren golau.
  • Llun 9 – Prif Ystafell Ymolchi Llun o’r brif ystafell ymolchi a dynnwyd o'r drws. Mae bath gwyn ar y chwith gyda theils mosaig glas golau uwchben a rheilen gawod a llen. I'r dde o'r bath yng nghanol y llun, mae toiled gwyn o dan silff bren gyda nwyddau ymolchi. I’r dde o'r toiled mae sinc gwyn gydag uned storio oddi tano. Mae drych mawr â ffrâm ddu ar y wal uwchben y ddau. Waliau gwyn a theils llawr brown.
  • Llun 10 – Yr Ardd Gefn Llun o'r ardd gefn a dynnwyd o ddrysau patio’r lolfa. Gardd gefn gaeedig gyda phatio yn rhannol weladwy i flaen y llun, gyda lawnt ar hyd gweddill yr ardd. Mae sied brown golau ar ben pella’r ardd a ffens pren coch 6 troedfedd ar hyd y ffin chwith, dde a chefn. Mae bin glas ac eitemau gardd wedi’u gwasgaru ar y dde.

Gwybodaeth am yr Eiddo

Cyntedd – neuadd fynedfa gyda lloriau laminedig effaith pren.  Mynediad i’r tŷ bach i lawr y grisiau a’r gegin.  Golau allanol wrth ymyl y drws ffrynt.

Tŷ bach i lawr y grisiau – Tŷ bach ar y llawr gwaelod gyda lloriau finyl mosaig llwyd/glas.

Lolfa (4.03m x 4.16m) – ystafell fyw eang yng nghefn yr eiddo gyda lloriau laminedig effaith pren, mynediad i gwpwrdd storio o dan y grisiau, ffenestr a drysau Ffrengig sy’n agor allan i’r ardd gefn.

Cegin (3.58m x 2.08m) — Cegin osod lawn ym mlaen yr eiddo gyda ffenestr allanol, lloriau finyl, unedau cegin effaith pren gydag arwynebau llwyd tywyll a theils wal mosaig, popty trydan integredig / hob nwy a chwfl echdynnu uwchben.  Lle ar gyfer nwyddau gwyn.   Cysgodlenni’r ffenestri i barhau yno.

Prif Ystafell Wely (2.69m x 4.14m) – ystafell wely ddwbl fawr ym mlaen yr eiddo gyda lloriau laminedig effaith pren a mynediad i gwpwrdd awyru sy’n cynnig lle storio ychwanegol. Cysgodlenni’r ffenestri i barhau yno.

Ystafell wely 2 (2.32m x 3.02m) – Ystafell wely ddwbl o faint da yng nghefn yr eiddo gyda lloriau laminedig effaith pren.  Silffoedd wal i aros.

Ystafell wely 3 (2.05m x 2.38m) – ystafell wely sengl fach a ddefnyddir ar hyn o bryd fel swyddfa gyda lloriau laminedig effaith pren. Cysgodlenni’r ffenestri a’r silffoedd wal i barhau yno.

Ystafell Ymolchi (1.75m x 2.18m) – Ystafell ymolchi wyn gyda bath a chawod uwchben, teils wal mosaig llwyd/glas a theils llawr lliw niwtral mawr.  Drych mawr â ffrâm du wedi’i osod ar y wal i barhau yno.

Llofft – ceir mynediad at y llofft llawr caled o landin y llawr cyntaf sy’n cynnig rhagor o le storio.

Gardd – Gardd gefn gaeedig o faint da gyda phatio ac ardaloedd gwair. Sied gardd fetel fawr i barhau yno.

Parcio – dau le parcio dynodedig ym mlaen yr eiddo gyda pharcio ychwanegol ar gael yn y cyffiniau hefyd.

Treth Gyngor – Band D

Deiliadaeth – RHYDD-DDALIADOL

Sgôr TPY — C (adroddiad yn ddilys tan 07.01.36. Adroddiad llawn ar gael ar-lein drwy www.gov.uk)

Bydd yr holl loriau, popty integredig, hob a ffan echdynnu yn y gegin, ynghyd â’r holl ffitiadau goleuadau drwy’r eiddo yn parhau i fod yno.

Manylion Prynu

Gwerthir yr eiddo hwn fel ECWITI A RENNIR.   Bydd yr ymgeisydd llwyddiannus yn prynu cyfran ecwiti o 70% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw’r gyfran ecwiti o 30% sy’n weddill ar yr eiddo.

Nid oes rhent na llog yn daladwy ar y 30%.

Pris

70% o’r pris prynu – £157,500

100% Pris – £225,000

Cynllun Llawr / Floor Plan

Gofyn am wylio

Mae’r gwylio’n digwydd 02.04.26 (rhwng 5.00pm a 7.30pm).

Willowbrook Gardens, Llaneirwg, Caerdydd, CF3 0BF

Gwneud cais i weld





    Ffoniwch ni ar 07866 370 394

    Lleoliad

    Ewch i Cartrefi Cyntaf Caerdydd - Telerau ac Amodau.

    Ymwadiad

    Mae’r manylion hyn am y gwerthiant at ddibenion canllawiau cyffredinol yn unig. Nid ydynt yn ffurfio unrhyw ran o gynnig neu gontract. Nid ydym wedi cynnal arolwg strwythurol ar yr eiddo nac unrhyw wasanaethau. Nid yw unrhyw o’r gosodiadau penodol y sonnir amdanynt yn y manylion hyn wedi eu profi. Rhoddir yr holl luniau, mesurau, cynlluniau llawr a phellteroedd y cyfeirir atynt fel canllaw yn unig ac ni ddylid dibynnu arnynt wrth brynu carpedi a gosodiadau eraill. Rhoddir manylion prydles, taliadau gwasanaeth a rhent tir (lle bo’n berthnasol) yn unig a dylid eu cadarnhau gyda thrawsgludwr trwyddedig cyn cyfnewid contractau.
    Postiwyd ar Mawrth 26, 2026