Hen dafarn Wolf’s Castle, Llanisien

Bydd y datblygiad arfaethedig yn darparu amrywiaeth o gartrefi cyngor newydd ar gyfer cymuned gynhwysol sydd wedi’u lleoli mewn tirwedd werdd, lle gall trigolion gerdded, beicio a defnyddio trafnidiaeth gyhoeddus i gyrraedd siopau, ysgolion a pharciau lleol.

Bydd y datblygiad newydd yn darparu cartrefi cyngor deniadol sy’n effeithlon o ran ynni ac sydd wedi’u cynllunio i wneud y gorau o bob gofod defnyddiadwy gan greu ystafelloedd golau, eang, wrth fodloni anghenion anodd bywyd teuluol.

Bydd cartrefi wedi’u cynllunio i fod yn hawdd byw ynddynt ac yn effeithlon i’w rhedeg, a bydd ganddynt y potensial i addasu i amgylchiadau newydd yn ymwneud ag anghenion teuluol modern, gyda gerddi preifat a mannau awyr agored, seilwaith gwefru cerbydau trydan a storio beiciau.

Ein nod yw llunio cynllun cyfoes ond lleol sy’n ymateb i siâp ac amlygrwydd y safle i greu diddordeb treflun, blaenau stryd cryf, gyda chartrefi wedi’u cyfeirio’n benodol er mwyn sicrhau’r golygfeydd a’r cysylltedd gorau posibl â’r dirwedd.

Bydd y datblygiad newydd yn talu gwrogaeth i’r gorffennol, tra’n adlewyrchu elfennau gorau Llanisien heddiw, gan greu datblygiad tai cynhwysol, modern a chynaliadwy.

Bydd y datblygiad yn darparu cartrefi fforddiadwy newydd a ddyluniwyd i fodloni safonau ynni-effeithlon uchel y Cyngor ar gael i bobl sydd ar restr aros Tai Cyngor eu rhentu.

Bydd y cynllun hefyd yn cynnwys Systemau Draenio Dinesig Cynaliadwy (SDCau) a all gynnwys gerddi glaw, plannu coed a seilwaith gwyrdd arall sy’n sicrhau bod dŵr glaw yn draenio’n naturiol i’r ddaear. Mae hyn yn helpu i fynd i’r afael ag effeithiau newid hinsawdd, yn darparu lleoedd gwyrddach a mwy deniadol i fyw ynddynt, ac yn cynyddu bioamrywiaeth leol.

Mae gan y prosiect bedwar cam allweddol (gweler isod). Rydym yn gweithio ar gam 3 ar hyn o bryd:

Cam 1 – Gwaith arolygu a chasglu gwybodaeth (wedi’i gwblhauol):

Mae’r cam hwn yn cynnwys cynnal yr holl waith arolygu angenrheidiol ar y safle, fel arolygon coed, ecoleg a chyflwr safle.  Maent yn dweud popeth sydd angen i ni ei wybod am y safle i helpu i lunio dyluniad y datblygiad arfaethedig. Dechreuodd y rhain yn 2024 a byddant yn parhau tan ddechrau 2025.

Cam 2 – Cyfleoedd a chyfyngiadau (Wedi’i gwblhauol): 

Mae hyn yn cynnwys defnyddio’r gwaith arolygu i nodi’r cyfleoedd a’r cyfyngiadau ar y safle a chynnig rhai syniadau cychwynnol a dyluniadau cynnar ar gyfer y datblygiad arfaethedig.  Byddwn yn cael adborth ar y syniadau hyn gan y gymuned ac amrywiaeth o arbenigwyr technegol, er mwyn gallu datblygu’r opsiwn a ffefrir ar gyfer y dyluniad.  Byddwn yn anelu at gwblhau’r cam hwn yn hanner cyntaf 2025.

Cam 3 – Opsiwn a ffefrir (Cam presennol):

Mae’r cam hwn yn cynnwys datblygu’r opsiwn a ffefrir yn fanylach, yn barod ar gyfer cais cynllunio. Bydd y cam hwn yn cynnwys Ymgynghoriad Cyn Ymgeisio (YCY) gyda’r gymuned a rhanddeiliaid eraill.

Bydd set lawn o gynlluniau ac adroddiadau ategol ar gael o ddechrau’r ymgynghoriad yn https://amityplanning.co.uk/former-wolfs-castle-inn o ddydd Gwener 9 Ionawr 2026.

Y dyddiad cau ar gyfer cyflwyno sylwadau yw dydd Gwener 6 Chwefror 2026.

Yn dilyn yr ymgynghoriad hwn, byddwn yn ystyried yr holl sylwadau sy’n dod i law cyn cwblhau’r cynigion a’u cyflwyno i’r Awdurdod Cynllunio Lleol fel cais cynllunio. Bydd cyfle arall i wneud sylwadau ar y cynnig yn uniongyrchol i’r Awdurdod Cynllunio Lleol fel rhan o’r broses cais cynllunio ffurfiol.

Cam 4 – Cais cynllunio:

Cyflwynir cais cynllunio ar gyfer y datblygiad arfaethedig yn y Gwanwyn 2026, er mwyn i’r gymuned a rhanddeiliaid eraill gael cyfle i wneud sylwadau pellach ar y cynigion.

Rydym bellach yn datblygu’r opsiwn a ffefrir yn fanylach, yn barod ar gyfer cais cynllunio. Mae’r cam hwn yn cynnwys Ymgynghoriad Cyn Ymgeisio (YCY) gyda’r gymuned a rhanddeiliaid eraill. Byddwn yn rhoi gwybod i drigolion am y gweithgaredd hwn drwy lythyr at eich drws, i’r rhai sy’n byw gerllaw, ac yn diweddaru’r wefan a’r cyfryngau cymdeithasol.

Yn dilyn hynny, cyflwynir cais cynllunio ar gyfer y datblygiad arfaethedig, er mwyn i’r gymuned a rhanddeiliaid eraill gael cyfle i wneud sylwadau pellach ar y cynigion.