Cynllun Gwella Amgylcheddol Heol Isaf y Gadeirlan

Bydd Cyngor Caerdydd yn gwneud gwelliannau i’r tir cyhoeddus yn ardal siopa Heol Isaf y Gadeirlan yng Nglan-yr-afon, fel rhan o Raglen y Cynllun Adnewyddu Cymdogaeth, a ariennir gan Gronfa Ffyniant Bro Llywodraeth y DU.  Y nod yw gwneud yr ardal yn fwy diogel, yn fwy deniadol, ac yn fwy pleserus i bawb.

Mae’r gwelliannau arfaethedig yn cynnwys:

• Gosod wyneb newydd o balmant addurnol a Tarmac yn yr ardal gyhoeddus ac ar y llwybr troed.
• Cael gwared ar reiliau presennol er diogelwch beicwyr. Bydd y rhain yn cael eu disodli gan folardiau i atal cerbydau rhag mynd ar y palmant.
• Gosod croesfan i gerddwyr
• Stondinau beiciau newydd a bin gwastraff.

Mae Centregreat wedi cael eu penodi’n brif gontractwyr a byddant yn gwneud y gwaith ar ran Cyngor Caerdydd, gan ddechrau ar 19 Ionawr 2026.  Disgwylir i’r prosiect gymryd tua 6-8 wythnos i’w gwblhau.

Yn ystod y cyfnod hwn, mae’n debygol y bydd ychydig o darfu, ond gwneir pob ymdrech i leihau hynny cymaint â phosib.