Pris prynu

79,500 - 60% o’r Pris Prynu (100% Pris - £132,500)

Math yr Eiddo

Fflat   1 Ystafell Wely

Dyddiad olaf i wneud cais:

5pm, 06.02.26

Mae fflat trydydd llawr deniadol, gydag un ystafell wely ar werth mewn man cyfleus yn agos iawn at ardal boblogaidd Ty Glas Road, Llanisien.

Dafliad carreg o archfarchnad Morrison’s a pharc manwerthu Heol Tŷ Glas, o fewn pellter cerdded i orsaf drenau Tŷ Glas ac yn meddu ar gysylltiadau rhagorol i ganol y ddinas a’r M4, mae’r fflat wedi’i haddurno i safon dda ac yn elwa o ffenestri dwbl UPVC, system intercom mynediad drws diogel, system larwm tân integredig drwy’r fflat a’r ardaloedd cymunedol, lolfa eang gyda drysau patio yn agor i falconi preifat, ystafell wely dwbl, man parcio penodedig, gerddi cymunedol.    Goleuadau synhwyrydd cynnig mewn ardaloedd cymunedol.

  • Llun 1 – Blaen yr Adeilad Ffotograff o flaen y bloc fflatiau. Mae'r adeilad yn gymysgedd o frics coch a rhannau glas golau gyda ffenestri gwyn. Mae balconïau ar ochr chwith yr adeilad. Pedwar lle parcio o flaen yr adeilad a char du wedi'i barcio yn y trydydd lle parcio. Gwelyau blodau gyda dail gwyrdd rhwng yr adeilad a'r lleoedd parcio.
  • Llun 8 – Lle parcio Llun yn dangos y lle parcio a ddyrannwyd gyda char wedi'i barcio ynddo o flaen y bloc fflatiau. Mae'r adeilad yn gymysgedd o frics coch a rhannau pinc golau gyda ffenestri gwyn. Mae balconïau ar ochr chwith yr adeilad. Gwelyau blodau gyda dail gwyrdd rhwng yr adeilad a'r lleoedd parcio.
  • Llun 7 – Balconi Llun o'r balconi o'r ochr chwith. Rheiliau balconi ar ochr chwith y llun gyda ffabrig gwyrdd yn rhoi preifatrwydd. Bwrdd / cadair gardd fach wedi'i osod ar ben arall y balconi a ryg gwyn gyda phatrwm dail gwyrdd. Drysau Ffrengig ar ochr dde'r llun. Golygfeydd o'r blociau fflatiau eraill.
  • Llun 6 – Ystafell Ymolchi Ffotograff o'r ystafell ymolchi. Basn golchi dwylo'n rhannol weladwy ar chwith y llun gyda chwpwrdd gyda handlenni du hir oddi tano. Ar y wal gefn gyferbyn â'r drws, toiled gyda sistern cudd a set toiled du a chwpwrdd y tu ôl. Fasys amrywiol ar y silff y tu ôl i'r toiled a drych ffrâm ddu mawr yn hongian uwch eu pennau nhw. Bath gwyn a phanel bath cyfatebol ar ochr dde’r llun gyda theils lliw niwtral, cawod wedi'i osod ar y wal yn rhannol weladwy y tu ôl i llen gawod wen. Bathmat o flaen y bath a llawr finyl lliw llwyd.
  • Llun 5 – Ystafell wely Llun o'r ystafell wely wedi'i dynnu o'r cyntedd. Drws lliw derw ar agor ar ochr chwith y llun. Cadair ddesg lwyd yn rhannol weladwy i'r dde o'r drws a gwely dwbl i'r dde ohono gyda dillad gwely gwyn a chlustogau bach llwyd. Prif wal wedi’i bapuro ar yr ochr chwith tu ôl i’r gwely. Ffenestr yng nghanol y llun gyferbyn â’r drws gyda llenni llwyd. Drysau cwpwrdd dillad gwyn gyda handlenni du yn rhannol weladwy ar ochr dde'r llun. Carpedi niwtral.
  • Llun 4 – Y Lolfa a’r Gegin Llun o’r lolfa a’r gegin wedi’i dynnu o’r drysau Ffrengig. Soffa gornel llwyd tua’r blaen ar ochr chwith y llun gyda ryg llwyd o'i flaen. Drych ffrâm fawr yn hongian yn uniongyrchol uwchben y soffa, gyda chwpwrdd silffoedd i'r dde o'r soffa. Mae'r gegin ar ben arall yr ystafell yng nghanol y llun. Ar y chwith o'r gegin mae bar brecwast ffrâm derw rhydd gydag arwyneb gwaith du, dau stôl oddi tano a pheiriant coffi. Ffenestr allanol uwchben y bar brecwast. Cypyrddau cegin ar y llawr ac ar y waliau ar y wal sydd gyferbyn â’r dryau Ffrengig gan gynnwys ffwrn integredig, hob a ffan echdynnu uwchben a phad sblashio dûr yng nghanol y wal. Cypyrddau cegin isel hefyd gyferbyn â'r bar brecwast ar ochr dde'r gegin gyda microdon ar yr arwyneb gwaith yn y gornel. Unedau cegin lliw derw Shaker gydag arwynebau gwaith du a theils sblash lliw niwtral. Cwpwrdd gwyn gyda theledu ar ei ben yn rhannol weladwy ar ochr dde'r llun. Waliau a charped lliw niwtral yn y lolfa gyda llawr finyl arddull mosaig yn y gegin.
  • Llun 3 – Y Lolfa Llun o’r lolfa wedi’i dynnu o'r gegin. Cwpwrdd cegin effaith derw yn rhannol weladwy ar y chwith tua’r blaen, gyda drws effaith derw (sy’n mynd i’r lolfa) ar agor wrth ei ymyl. Ar ochr chwith yr ystafell, mae uned wen gyda theledu wedi'i osod ar y wal uwchben. Mae drysau Ffrengig ar ddiwedd yr ystafell (yng nghanol y llun) gyda llenni llwydfelyn. Mae lamp llawr o flaen y llen chwith. Mae soffa gornel lliw tywyll sydd yn union gyferbyn â'r teledu ac sydd yn erbyn y wal dde, gyda drych ffrâm fawr yn hongian yn uniongyrchol uwchben a ryg llwyd tywyll o'i flaen. Cwpwrdd silffoedd i'r dde o'r soffa. Bar brecwast wedi'i fframio â derw rhydd gydag arwyneb gwaith du a dau stôl oddi tano yn rhannol weladwy tua’r blaen ar dde’r llun. Waliau a charped wedi'u paentio’n lliw niwtral yn yr ardal lolfa gyda lloriau finyl arddull mosaig ar flaen y llun (ardal y gegin).
  • Llun 2 – Cyntedd Llun o'r cyntedd wedi'i dynnu o'r lolfa. Dau ddrws effaith derw ar ochr chwith y cyntedd gydag addurniadau ar y wal a rheiddiadur wal i'r chwith o'r drws ffrynt. Drws ffrynt lliw derw ym mhen pellaf y cyntedd (yng nghanol y llun). Drws ar agor ar ochr dde'r cyntedd yn rhannol weladwy. Waliau wedi'u paentio’n niwtral, carped llwydfelyn gyda ryg lliw hufen.

Gwybodaeth am yr Eiddo

Cyntedd – cyntedd mynediad gyda charped niwtral a system intercom wedi ei osod ar y wal.

Lolfa (5.7m x 3.0m yn cynnwys y gegin) — Lolfa a chegin cynllun agored eang gyda drysau Ffrengig yn agor allan i falconi amgaeedig.  Carped niwtral i ardal y lolfa.

Ardal y gegin — cynllun agored gyda  chypyrddau cegin lliw derw, arwynebau gwaith du, sblash teils mosaig lliw niwtral, hob integredig, popty, a ffan echdynnu uwchben gyda chwistrellu dur gwrthstaen, rhewgell oergell integredig a pheiriant golchi.  Ffenestr allanol â bleind a lloriau finyl niwtral.

Prif Ystafell Wely (3.9m x 2.7m) – Ystafell wely ddwbl mawr braf gyda charped niwtral, prif wal wedi’i bapuro, a mynediad i’r cwpwrdd awyru sy’n gartref i’r gwresogydd trochi dŵr poeth.

Ystafell ymolchi – Ystafell ymolchi wen fodern gyda bath, cawod trydan uwchben a rheilen gawod, toiled integredig a basn dwylo golchi, teils wal mosaig niwtral, llawr finyl llwyd, rheilen tywel wedi’i gynhesu crôm wedi’i osod ar y wal. Drych uwchben y sinc.

Parcio – Un lle parcio preifat dynodedig mewn maes parcio preifat, a mannau i ymwelwyr yn gyfagos.

Treth Gyngor – Band C

Tâl Gwasanaeth – tua £1200 y flwyddyn (sy’n talu am waith cynnal a chadw ardaloedd cymunedol mewnol ac allanol)

Rhent Tir — £150 y flwyddyn

Deiliadaeth – Prydles (125 blynedd o 2007) i’w gadarnhau

Sgôr Tystysgrif Perfformiad Ynni — B (Yn ddilys tan 2035. Tystysgrif ar gael ar Gov.uk)

Ardaloedd cymunedol – Ardaloedd planhigion a lawnt cymunedol sy’n cael eu cynnal yn dda a mannau parcio dynodedig.

Mae’r holl loriau, ffitiadau golau, bleindiau fel y’i gwelir ac mae hefyd bopty integredig, hob, ffan echdynnu a rhewgell oergell yn y gegin.

Manylion Prynu

Mae’r eiddo hwn yn cael ei werthu ar sail ECWITI A RENNIR.    Bydd yr ymgeisydd llwyddiannus yn prynu cyfran ecwiti o 60% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw 40% o ranberchenogaeth a fydd yn weddill ar yr eiddo.

Nid oes rhent na llog yn daladwy ar y 40%.

Pris

60% Pris prynu – £79,500

100% o’r pris – £132,500

Gofyn am wylio

Mae’r gwylio’n digwydd 18/12/25 (rhwng 5.00pm – 7.30pm).

Pentland Close, Llanisien, Caerdydd, CF14 5BB

Gwneud cais i weld





    Ffoniwch ni ar 07866 370 394

    Lleoliad

    Ewch i Cartrefi Cyntaf Caerdydd - Telerau ac Amodau.

    Ymwadiad

    Mae’r manylion hyn am y gwerthiant at ddibenion canllawiau cyffredinol yn unig. Nid ydynt yn ffurfio unrhyw ran o gynnig neu gontract. Nid ydym wedi cynnal arolwg strwythurol ar yr eiddo nac unrhyw wasanaethau. Nid yw unrhyw o’r gosodiadau penodol y sonnir amdanynt yn y manylion hyn wedi eu profi. Rhoddir yr holl luniau, mesurau, cynlluniau llawr a phellteroedd y cyfeirir atynt fel canllaw yn unig ac ni ddylid dibynnu arnynt wrth brynu carpedi a gosodiadau eraill. Rhoddir manylion prydles, taliadau gwasanaeth a rhent tir (lle bo’n berthnasol) yn unig a dylid eu cadarnhau gyda thrawsgludwr trwyddedig cyn cyfnewid contractau.
    Postiwyd ar Rhagfyr 12, 2025