Pris prynu

203,000 - 70% o’r Pris Prynu (100% Pris - £290,000)

Math yr Eiddo

Tŷ   2 Ystafell Wely

Dyddiad olaf i wneud cais:

5pm, 02.12.25
  • Llun yn dangos blaen yr eiddo. Adeilad brics coch gyda chanopi dros y drws ffrynt a ffenestri llwyd tywyll. Mae planhigion yn y blaen ar ochr dde'r llun, gyda llwybr ac ymyl y lle parcio ar y chwith. Mae’r fynedfa drwy ochr chwith yr adeilad, gyda giât fetel.
  • Cyntedd i'r eiddo, sy'n dangos y gegin yn rhannol ar y chwith o'r llun, ynghyd â'r grisiau i'r dde. Lloriau sy’n edrych fel pren derw yn y cyntedd a'r gegin, gyda waliau wedi'u paentio’n hufen golau. Mae rheiddiadur ar y chwith o'r cyntedd gyda silff bren uwchben a drych mawr yn hongian ar y wal. Drws agored ar ddiwedd y cyntedd sy'n arwain i'r lolfa.
  • Llun o'r lolfa o'r gornel chwith bellaf. Mae llenni ar ochr chwith y llun, gyda theledu a stondin i'r dde ohonynt, ynghyd â chadair freichiau llwyd. Uned silffoedd pren y tu ôl i'r gadair freichiau a stôl droed botymog o liw tywyll ar flaen y llun. Waliau lliw niwtral a lloriau sy’n edrych fel pren derw.
  • Tŷ bach llawr gwaelod gyda waliau wedi’u paentio’n wyrdd golau, gyda lloriau sy’n edrych fel pren derw. Basn gwyn ar ochr chwith y llun gyda phanel tasgu o liw niwtral uwchben, ynghyd â drych yn hongian ar y wal gyda silff. Toiled yn erbyn y wal sy'n wynebu'r drws. Silff bren uwchben y toiled a sawl ffrâm luniau’n hongian ar y waliau.
  • Llun o'r gegin. Mae ffenestr gyda bleinds Rhufeinig ar ochr chwith y llun, a sinc gyda bwrdd draenio oddi tano. I’r dde o’r llun mae ffwrn integredig, hob nwy a phanel tasgu dur gwrthstaen, a ffan echdynnu uwchben. Unedau cegin hufen golau sgleiniog gyda byrddau gwaith a dyrchafiadau effaith pren tywyll. Mae peiriant golchi hefyd yn rhannol weladwy i'r chwith o'r llun, o dan y sinc.
  • Llun o'r landin ar y llawr cyntaf. Mae canllaw’r grisiau ar ochr dde’r llun gyda gwerthydau gwyn a rheilen lliw derw golau. Mae tri drws ar y landin, gan gynnwys drws agored yng nghanol y llun sy'n dangos un o'r ystafelloedd gwely. Waliau a charped o liw niwtral.
  • Ffotograff o'r ail ystafell wely wedi'i dynnu o fynedfa'r drws. Mae ffenestr gyda bleinds Fenis ar ochr chwith y llun, gyda rheiddiadur gwyn oddi tani. Waliau gwyrdd golau a charped o liw cnawd, gyda rỳg o liw cnawd. Gwely gwyn gyda dillad gwely gwyn a sawl clustog o liwiau gwahanol, gyda droriau oddi tano ar ochr dde’r llun. Paentiad mawr ar y wal uwchben y gwely.
  • Llun o'r ail ystafell wely wedi'i dynnu o ochr dde'r ystafell wrth i chi fynd i mewn. Mae ffenestr gyda bleinds Fenis ar ochr dde’r llun, gyda rheiddiadur gwyn oddi tani. Mae drws y cwpwrdd storio ar ochr chwith y llun. Alcof rhwng y drws a'r ffenestr, gyda desg a chadair. Waliau gwyrdd golau a charped o liw cnawd.
  • Llun o'r ardal fwyta yn y lolfa wedi'i dynnu o'r drysau Ffrengig. Mae bwrdd a 4 cadair ar ochr dde'r llun, ac i’r chwith mae drws y lolfa sydd ar agor gan ddangos y cyntedd. Waliau lliw niwtral a lloriau sy’n edrych fel pren derw, gyda 2 ffrâm luniau’n hongian uwchben y bwrdd/cadeiriau.
  • Prif ystafell ymolchi. Waliau wedi'u paentio’n las a lloriau sy’n edrych fel pren derw. Mae uned storio ar ochr dde’r llun gyda silff bren uwchben. Mae toiled a basn golchi dwylo ar ochr chwith/canol y llun. Panel tasgu o deils lliw niwtral uwchben y basn, a drych mawr yn hongian ar y wal.
  • Prif ystafell ymolchi sy’n dangos bath gwyn gyda phanel bath ar ochr chwith y ffotograff, panel cawod gwydr, cawod uwchben sydd wedi’i gysylltu i’r prif gyflenwad, teils wal gweadog o liw niwtral uwchben y bath a lloriau sy’n edrych fel pren derw. Mae basn golchi dwylo i'r dde o'r bath, ynghyd â drych sy’n hongian ar y wal uwchben.
  • Llun o'r brif ystafell wely wedi'i dynnu o gornel chwith yr ystafell wrth i chi fynd i mewn. Mae gwely dwbl yn y blaen ar ochr chwith y llun gyda dillad gwely gwyn. Mae ffenestr gyda bleinds Fenis gwyn a llenni lliw golau hefyd i'r chwith. Rheiddiadur oddi tani. Uned ddroriau lydan o liw niwtral mewn alcof i'r dde o'r ffenestr, yn syth o flaen y gwely, gydag addurn yn hongian ar y wal uwchben. Drych yn hongian ar ochr dde'r llun. Waliau a charped lliw niwtral a lamp grog wen ar y nenfwd.
  • Llun o'r brif ystafell wely gyda gwely dwbl pren yng nghanol y llun. Cwpwrdd dillad triphlyg wedi'i baentio i'r chwith o'r gwely a chabinet ochr gwely i'r dde ohono. Wal nodwedd wedi'i baentio uwchben y gwely. Ffenestr gyda llenni a bleindiau fertigol ar ochr dde'r llun. Uned storio gwiail ar waelod y gwely. Carped lliw niwtral a lamp grog wen ar y nenfwd.
  • Llun o'r ardd gefn a'r tŷ wedi'i dynnu o waelod yr ardd. Mae lawnt ar flaen y llun gyda llwybr canolog a grisiau i fyny i'r patio. Mae planhigion sefydledig wedi’u plannu ar ddwy ochr yr ardd.
  • Llun o'r ardd gefn wedi'i dynnu o ddrysau’r patio. Mae sied yr ardd ar ochr chwith y llun, ar y patio. Mae bwrdd a chadeiriau ar ochr dde'r llun. Grisiau i lawr i'r lawnt, ac ardal eistedd ar wahân ym mhen pellaf yr ardd. Mae planhigion sefydledig wedi’u plannu ar ddwy ochr yr ardd.

Wedi’i leoli yn Natblygiad Cwrt Sant Ioan Redrow oddi ar Heol Llantrisant yn y Tyllgoed, mae tŷ canol dwy ystafell wely ar gael.

Gyda chysylltiadau trafnidiaeth ardderchog â Chanol y Ddinas a’r M4, mae’r eiddo yn agos at siopau lleol, trafnidiaeth gyhoeddus, beicffyrdd, cyfleusterau chwaraeon rhagorol, llawer o fannau agored, ac mae hefyd yn nalgylch nifer o ysgolion cynradd ac uwchradd – Ysgol Gynradd Peter Lea, Ysgol Gymraeg Coed y Gof, Ysgol Uwchradd Cantonian ac Ysgol  Gyfun Gymraeg Plasmawr.

Wedi’i adeiladu yn 2020, mae’r tŷ pen 2 ystafell wely hynod ynni-effeithlon hwn wedi’i addurno i safon ardderchog ac mae ganddo wydr dwbl drwyddi draw, lloriau o ansawdd da, boeler cyfunol Logic gradd A, system gwres canolog nwy, synwyryddion mwg a charbon monocsid wedi’u cysylltu â’r prif gyflenwad, digon o le storio gan gynnwys nifer o gypyrddau storio ynghyd â mynediad i’r atig, toiled ar y llawr gwaelod, dwy ystafell wely ddwbl, ystafell ymolchi i’r teulu, parcio dynodedig, goleuadau synhwyro symud yn y cefn a’r blaen a lolfa fawr gyda drysau Ffrengig sy’n agor allan ar ardd o faint da, wedi’i chadw’n dda gyda mynediad o’r ochr.

Manyleb Eiddo

Cyntedd — Ardal fynedfa gyda llawr finyl o liw derw.    Mynediad i ddau gwpwrdd storio a thoiled.   Goleuadau synhwyro symud y tu flaen i’r eiddo.

Toiled – (1.64m x 1.11m) – lloriau laminedig lliw derw a phanel tasgu ar ffurf teilsen lliw niwtral y tu ôl i’r basn golchi dwylo.  Rheilen gwresogi tywelion ar y wal.

Lolfa (3.98m x 3.91m) – ardal fyw cynllun agored eang a lle i fwyta gyda llawr laminedig lliw derw a drysau Ffrengig yn agor allan ar ardd gefn.   Polyn llenni i aros.

Cegin (2.78m x 1.89m) – Cegin fodern wedi’i ffitio’n llawn ym mlaen yr eiddo gyda chypyrddau cegin lliw hufen golau, arwyneb gwaith o liw pren tywyll, ffwrn drydan Zanussi integredig, hob nwy gyda phanel tasgu dur gwrthstaen a ffan echdynnu.  Lloriau laminedig lliw derw, ffan echdynnu ychwanegol ar y wal ffenestr allanol a lle ar gyfer nwyddau gwyn eraill.   Bleindiau i aros.

Prif ystafell wely (3.91m x 3.37m) – Ystafell wely ddwbl o faint da yng nghefn yr eiddo gyda charpedi o liw niwtral, a wal nodwedd wedi’i phaentio. Bleindiau a pholyn llenni i aros.

Ystafell wely 2 (3.92m x 2.52m) – Ystafell wely ddwbl maint da i flaen yr eiddo gyda charped o liw niwtral, mynediad i gwpwrdd storio â pholyn crogi dillad.   Bleindiau i aros.

Ystafell ymolchi (2.00m x 1.71m) — Celfi ystafell ymolchi gwyn gyda chawod uwchben wedi’i gysylltu â’r prif gyflenwad, panel cawod gwydr, teils wal o liw niwtral a lloriau feinyl o liw derw.  Silff ar y wal i aros.

Atig – atig heb ei bordio sy’n cynnig lle storio ychwanegol.   Gorddrws y gellir mynd ato o landin y llawr cyntaf.

Gardd gefn — Gardd gefn wedi’i sefydlu a’i chynnal yn wynebu’r gogledd-orllewin gydag ardal patio mawr ac 3 gris i lawr i’r lawnt a’r gwelyau blodau.  Goleuadau synhwyro symud, tap  a mynediad ochr.  Sied i aros.

Parcio – 1 lle wedi ei neilltuo o flaen yr eiddo, a pharcio ar y stryd yn y cyffiniau.

Treth Gyngor – D (£1922 y flwyddyn 24/25)

Deiliadaeth – RHYDD-DDALIAD

Tâl Rheoli’r Ystâd — yn cwmpasu cynnal a chadw a draenio ardaloedd cymunedol wedi’u tirlunio (taliadau heb eu gweithredu eto, ond byddant oddeutu £200 y flwyddyn)

Sgôr TPY — B (yn ddilys hyd at fis Tachwedd 2030. Adroddiad llawn ar gael ar-lein yn www.gov.uk)

Gwarant NHBC – yn ddilys hyd at fis Rhagfyr 2030.

Mae holl loriau, bleindiau a pholion llenni’r eiddo, ynghyd â’r holl nwyddau gwyn integredig i aros.

Mae’r perchennog hefyd yn agored i gynigion ar gyfer yr eitemau canlynol –

  • Bwrdd bwyta a chadeiriau yn y Lolfa (Cwmni Cotswold)
  • Bwrdd coffi yn y Lolfa (Cwmni Cotswold)
  • Uned deledu yn Lolfa (Cwmni Cotswold)
  • Soffa dwy sedd yn y Lolfa (Sofology)
  • Cadair Freichiau yn y Lolfa (Sofology)
  • Ryg yn y Lolfa
  • Desg a Chadair yn yr ail ystafell wely (NEXT)
  • Gwely dydd yn yr ail ystafell wely (IKEA)
  • Bwrdd patio a chadeiriau yn yr ardd gefn

Manylion Prynu

Pris

70% o’r Pris Prynu – £203,000

100% Pris – £290,000

Mae’r eiddo hwn yn cael ei werthu ar sail ECWITI A RENNIR. Bydd yr ymgeisydd llwyddiannus yn prynu cyfran ecwiti o 70% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw’r gyfran ecwiti o 30% sy’n weddill ar yr eiddo.

Nid oes rhent na llog yn daladwy ar y 30%.

Gofyn am wylio

Mae’r gwylio’n digwydd 16/10/25 (rhwng 5.00pm – 7.30pm)

Heol Cynwrig, Y Tyllgoed, Caerdydd, CF5 2DB

Gwneud cais i weld





    Ffoniwch ni ar 07866 370 394

    Lleoliad

    Ewch i Cartrefi Cyntaf Caerdydd - Telerau ac Amodau.

    Ymwadiad

    Mae’r manylion hyn am y gwerthiant at ddibenion canllawiau cyffredinol yn unig. Nid ydynt yn ffurfio unrhyw ran o gynnig neu gontract. Nid ydym wedi cynnal arolwg strwythurol ar yr eiddo nac unrhyw wasanaethau. Nid yw unrhyw o’r gosodiadau penodol y sonnir amdanynt yn y manylion hyn wedi eu profi. Rhoddir yr holl luniau, mesurau, cynlluniau llawr a phellteroedd y cyfeirir atynt fel canllaw yn unig ac ni ddylid dibynnu arnynt wrth brynu carpedi a gosodiadau eraill. Rhoddir manylion prydles, taliadau gwasanaeth a rhent tir (lle bo’n berthnasol) yn unig a dylid eu cadarnhau gyda thrawsgludwr trwyddedig cyn cyfnewid contractau.
    Postiwyd ar Hydref 7, 2025