Pris prynu

159,250- 65% o’r Pris Prynu (100% Pris - £245,000)

Math yr Eiddo

Tŷ   2 Ystafell Wely

Dyddiad olaf i wneud cais:

5pm, 05.02.26

Mae tŷ canol 2 ystafell wely ar gael yn natblygiad Charles Church oddi ar Heol Llanfihangel yn Sain Ffagan.

Gyda chysylltiadau trafnidiaeth ardderchog â chanol y ddinas a’r M4, mae’r eiddo yn agos at Groes Cwrlwys, siopau lleol eraill a thrafnidiaeth gyhoeddus.  Mae’r eiddo hefyd yn nalgylch nifer o ysgolion cynradd ac uwchradd gan gynnwys Ysgol Gynradd Hywel Dda, Ysgol Gymraeg Coed-y-gof, Ysgol Gynradd yr Eglwys yng Nghymru Sain Ffagan, Ysgol Gynradd Llanbedr-y-Fro, Ysgol Uwchradd Gymunedol Gorllewin Caerdydd, Ysgol Uwchradd Esgob Llandaf ac Ysgol Gyfun Gymraeg Plasmawr.

Wedi’i adeiladu yn 2017, mae’r eiddo wedi’i addurno i safon dda ac mae ganddo wydr dwbl ym mhob ffenest, system gwres canolog nwy â boeler cyfunol â 2 barth (lan lofft a lawr llawr), lle storio ardderchog gan gynnwys dan y grisiau ar y llawr gwaelod a chwpwrdd yn y cyntedd, toiled lawr llawr, gwres o dan y llawr yn y lolfa a phrif ystafell wely gydag ensuite ac ail ystafell wely o faint da, ystafell ymolchi i’r teulu, lle parcio wedi’i neilltuo o flaen yr eiddo, a lolfa eang gyda drysau dwbl yn agor i ardd o faint da wedi ei dirweddu ac yn addas i’r teulu cyfan.

  • Llun yn dangos blaen yr eiddo. Mae'r eiddo yn dŷ canol gyda thŷ ar y naill ochr a'r llall. Rendro lliw hufen gyda drws ffrynt pinc, canopi uwchben a ffenestri gwyn. Dau ris yn arwain at y drws ffrynt. Tap allanol ar ochr chwith y drws a blwch cyfleustodau wedi'i osod ar y wal ar y dde ohono. Gwely blodau graean yn union o flaen yr eiddo ar ddwy ochr y grisiau, gyda llwyn bach yn y gwely blodau ar y chwith. Ardal â tharmac ym mlaen y llun, gyda cheir wedi’u parcio ar y naill ochr i’w gweld yn rhannol (ar ochr chwith a dde y llun).
  • Llun o'r cyntedd wedi'i dynnu o ddrws y lolfa. Papur wal gwyn / llwyd (gyda golygfeydd o anifeiliaid gwyllt gan gynnwys eliffantod, jiráffs, hipopotamysau, sebras ac ati) ar y waliau. Dau ddrws ar gau ar y chwith o'r cyntedd, gyda'r drws ffrynt ar ddiwedd y cyntedd (canol y llun). Mae pob drws yn wyn. Mae rheiddiadur wedi'i osod ar wal i'r dde o'r drws ac ar ochr dde'r cyntedd mae agoriad i'r gegin, sydd i’w gweld yn rhannol. Mae uned cyntedd i'w gweld yn rhannol ar flaen dde y llun gyda fâs a blodau. Mae 2 ffrâm ffotograffau du wedi'u gosod ar wal uwchben yn ogystal â blwch rheoli thermostat yr ystafell. Lloriau wedi eu lamineiddio ag effaith pren derw.
  • Llun o ochr dde'r gegin wedi'i dynnu o'r cyntedd. Ffwrn integredig, hob nwy a ffan echdynnu gyda gorchudd tasgu du gyferbyn â'r fynedfa yng nghanol y wal gefn. Cypyrddau cegin ar ochr chwith a dde’r gegin ac ar wal gefn. Cypyrddau cegin wedi'u gosod ar y wal gyferbyn â'r fynedfa ac ar yr ochr dde. Peiriant golchi dillad i’w weld yn rhannol ar y chwith a rhewgell-oergell lwyd gyferbyn ag ef ar yr ochr dde. Tuniau storio pinc, tegell pinc a microdon ar yr arwyneb gweithio. Boeler gwres canolog wedi'i osod ar wal ar ochr chwith y llun. Mae unedau cegin yn llwyd golau gyda dolenni crôm, arwynebau gwaith effaith marmor llwyd tywyllach a gorchuddion wal bach yr un fath. Lloriau wedi eu lamineiddio ag effaith pren derw.
  • Llun o’r lolfa wedi’i dynnu o’r drysau dwbl. Grisiau gwyn gydag echelau yng nghanol y llun. Cypyrddau wedi'u gosod o dan y grisiau. Mae gan y wal ar ochr chwith y grisiau reilen ddado gyda phaent lliw hufen uwchben a phapur wal oddi tani. I'r dde o'r grisiau mae drws gwyn (ar ongl sgwâr i'r grisiau) ac mae'r wal o'i amgylch wedi'i phaentio'n wyrdd. Lloriau wedi eu lamineiddio ag effaith pren derw.
  • Llun o’r lolfa wedi’i dynnu o’r grisiau. Soffa gornel lwydfelen ar draws y llun cyfan gyda chlustogau ar wasgar. Mae'r wal y tu ôl iddi wedi'i phaentio'n wyrdd. Drych aur wedi'i fframio uwchben y soffa ar yr ochr chwith a thair silff fach wedi'u gosod ar wal i'r dde ohono. Ffenestr y lolfa i'r dde o'r llun y tu ôl i ochr dde'r soffa gyda fâs wen a blodau ar sil y ffenestr. Gardd gefn i’w gweld yn rhannol drwy'r ffenestr.
  • Llun o'r brif ystafell wely a dynnwyd o'r drws. Gwely dwbl ffabrig llwydfelyn gyda dillad gwely gwyn yng nghanol y ffotograff gyda chabinet ochr gwely derw â dau ddrôr i'r chwith ohono. Mae cabinet ochr gwely arall ar ochr dde'r gwely gyda lamp yn rhannol weladwy. Ffenestr i'r dde o'r gwely gyda llenni llwydfelyn a rheiddiadur oddi tani. Teledu wedi'i osod ar y wal i'r dde o'r ffenestr. Drws i'r ensuite o flaen y gwely ar ongl. Papur wal â phatrwm y tu ôl i'r gwely a charped llwydfelyn.
  • Llun o ensuite y brif ystafell wely a dynnwyd o'r drws. Ffenestr allanol ar y chwith o'r llun, gyda'r basn golchi yn rhannol weladwy oddi tani. Teils mosaig brown uwchben. Cawod amgaeedig effaith grôm i’r dde o’r basn gyda theils wal llwyd a chawod o’r prif gyflenwad wedi’i osod ar y wal. Waliau lliw hufen.
  • Llun o'r ail ystafell wely a dynnwyd o'r drws. Mae wedi’i haddurno i fod yn feithrinfa ar hyn o bryd. Mae ffenestr gyda bleinds gwyn a llenni llwyd i'w gweld yn rhannol ar y chwith o'r llun gyda chist ddroriau gwyn hir oddi tani. Ar y wal sy'n wynebu'r drws, mae gan y rhan uchaf bapur wal patrymog ac mae gan y rhan isaf baneli pren llwydfelyn. Yn uniongyrchol o'i flaen mae cot gyda thegan symudol uwchben. Mae sawl eitem yn hongian o baneli ar y wal. Cwpwrdd dillad gwyn a blwch storio ffabrig yn rhannol weladwy ar ochr dde'r llun. Carped llwyd tywyll.
  • Llun o ochr chwith y brif ystafell ymolchi wedi'i dynnu o'r drws. Basn golchi dwylo gwyn ar flaen chwith y llun, gyda gorchudd tasgu o deils du a chabinet ystafell ymolchi gwyn wedi'i osod ar wal uwchben gyda drysau o ddrych. Bath i'r dde o'r llun gyda theils wal gefn cyfatebol ar 3 wal. Ffenestr allanol uwchben y bath. Cabinet arall wedi'i osod ar y wal ar ochr dde'r llun. Waliau lliw hufen.
  • Llun o ochr chwith y brif ystafell ymolchi wedi'i dynnu o'r drws. Basn golchi dwylo gwyn ar flaen chwith y llun, gyda gorchudd tasgu o deils du a chabinet ystafell ymolchi gwyn wedi'i osod ar wal uwchben gyda drysau o ddrych. Bath i'r dde o'r llun gyda theils wal gefn cyfatebol ar 3 wal. Ffenestr allanol uwchben y bath. Cabinet arall wedi'i osod ar y wal ar ochr dde'r llun. Waliau lliw hufen.
  • Llun o'r ardd gefn wedi'i dynnu o'r drysau Ffrengig. Ardal porfa astro i'r chwith o'r llun gyda sied ar y diwedd. Llwybr patio ar ochr dde'r ardd gyda grisiau i lawr i lefel is.

Gwybodaeth am yr Eiddo

Cyntedd – llawr wedi’i lamineiddio ag effaith pren, waliau â phapur wal drws i’r toiled lawr llawr a’r cwpwrdd storio.

Lolfa/Ystafell Fwyta (4.5m x 3.5m) – lolfa o faint da gyda lloriau wedi’u lamineiddio ag effaith pren, gwres o dan y llawr, drysau dwbl yn agor i’r ardd gefn gyda bleindiau pwrpasol a grisiau’n arwain i’r llawr cyntaf gyda chypyrddau storio pwrpasol o dan y grisiau.

Cegin (2.91m x 2.21m) – Cegin lawn ym mlaen yr eiddo gyda drysau cwpwrdd llwyd golau a bwrdd gwaith llwyd tywyll effaith marmor a rhes o deils cyfatebol.  Popty integredig, hob a ffan echdynnu a lle ar gyfer nwyddau gwyn.  Ffenestr allanol gyda bleinds, drws i’r boeler a lloriau wedi’u lamineiddio ag effaith pren.

Prif ystafell wely ensuite (2.64m x 2.80m) — Ystafell wely ddwbl gydag ensuite, carped o liw niwtral o ansawdd da yn yr ystafell wely a llawr teils yn yr ensuite.  Wal nodwedd wedi’i phapuro yn yr ystafell wely a bleinds gwyn pwrpasol.  Ensuite gydag chawod gyda thermostatig yn gweithio o’r boeler cyfunol. Teils wal lliw hufen tywyll yn y gawod.  Ffenestr allanol.

Ystafell Wely 2 (2.45m x 3.58) – Ystafell ddwbl o faint da gyda charpedi llwyd tywyll a wal nodwedd wedi’i phapuro.   Bleinds gwyn pwrpasol.

Ystafell ymolchi— Ystafell ymolchi wen gyda waliau â theils du, llawr teils, a ffenestr allanol.

Atig — llofft heb fyrddau llawr gyda mynediad iddo o Ystafell Wely 2.

Gardd gefn — gardd gefn wedi’i thirlunio gyda mynediad ochr, patio i’r dde ac astroturf ar ochr chwith yr ardd, gyda goleuadau allanol.  Sied i aros.

Parcio – 1 lle wedi’i neilltuo o flaen yr eiddo gyda lleoedd ychwanegol i ymwelwyr yn yr ardal gerllaw

Treth Gyngor — C

Deiliadaeth – RHYDD-DDALIAD

Tâl Gwasanaeth — tua £100 y flwyddyn (heb ei gychwyn eto, ond bydd yn cynnwys cynnal a chadw ardaloedd cymunedol)

Sgôr TPY — B (Adroddiad llawn ar gael ar-lein drwy www.gov.uk)

Gwarant NHBC – dilys tan fis Mehefin 2027

Yr holl loriau, polion llenni, llenni, bleindiau ffenestri a goleuadau fel y’u gwelir yn yr eiddo i aros.

Mae’r Perchennog hefyd yn barod i dderbyn cynigion ar yr eitemau canlynol – 

  • Oergell/Rhewgell
  • Peiriant golchi llestri (llai na blwydd oed)
  • Peiriant golchi

Manylion Prynu

Mae’r eiddo hwn yn cael ei werthu ar sail ECWITI A RENNIR.    Bydd yr ymgeisydd llwyddiannus yn prynu cyfran ecwiti o 65% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw 35% o’r rhanberchenogaeth sy’n weddill ar yr eiddo.

Nid oes rhent na llog yn daladwy ar y 35%.

Pris

65% Pris Prynu – £159,250

100% Pris – £245,000

Gofyn am wylio

Mae’r gwylio’n digwydd 17/12/25 (rhwng 5.00pm – 6.30pm).

Trem y Coed, Sain Ffagan, Caerdydd, CF5 6FA

Gwneud cais i weld





    Ffoniwch ni ar 07866 370 394

    Lleoliad

    Ewch i Cartrefi Cyntaf Caerdydd - Telerau ac Amodau.

    Ymwadiad

    Mae’r manylion hyn am y gwerthiant at ddibenion canllawiau cyffredinol yn unig. Nid ydynt yn ffurfio unrhyw ran o gynnig neu gontract. Nid ydym wedi cynnal arolwg strwythurol ar yr eiddo nac unrhyw wasanaethau. Nid yw unrhyw o’r gosodiadau penodol y sonnir amdanynt yn y manylion hyn wedi eu profi. Rhoddir yr holl luniau, mesurau, cynlluniau llawr a phellteroedd y cyfeirir atynt fel canllaw yn unig ac ni ddylid dibynnu arnynt wrth brynu carpedi a gosodiadau eraill. Rhoddir manylion prydles, taliadau gwasanaeth a rhent tir (lle bo’n berthnasol) yn unig a dylid eu cadarnhau gyda thrawsgludwr trwyddedig cyn cyfnewid contractau.
    Postiwyd ar Rhagfyr 11, 2025