Westwinds Court, Llanisien

Fel rhan o’r Rhaglen Cynllun Adnewyddu Cymdogaethau, mae gwelliannau amgylcheddol a mynediad wedi’u cwblhau yn Westwinds Court, Llanisien.

Nod y gwelliannau hyn yw gwella diogelwch, draenio, hygyrchedd, ac ymddangosiad cyffredinol yr ardal i drigolion ac ymwelwyr.

Cafodd y gwaith ei bennu gan adborth gan drigolion a chynghorwyr lleol, gyda ffocws cryf ar fynd i’r afael â‑materion cynnal a chadw sydd wedi bodoli ers amser tra’n creu amgylchedd cyhoeddus mwy ymarferol a dymunol.

Roedd y gwelliannau’n cynnwys:

• Ail-wynebu mannau parcio presennol i ddatrys y problemau gyda dŵr yn cronni, gan adfer defnydd llawn o’r mannau parcio i breswylwyr
• Ail-wynebu’r llwybrau troed i wella diogelwch, hygyrchedd ac ymddangosiad cyffredinol
• Uwchraddio’r goleuadau ac ychwanegu atynt i wella gwelededd a diogelwch personol
• Torri coed a llystyfiant a oedd wedi gordyfu i wella mynediad, ymddangosiad, a’r strydlun cyffredinol

Mae’r gwelliannau hyn yn adlewyrchu ymrwymiad y Cyngor i wella amgylcheddau cymdogaeth, hyrwyddo balchder cymunedol, ac annog defnydd gweithredol o fannau cyhoeddus a rennir.