Mae’r prosiect wedi ei gwblhau.
Trosolwg o’r prosiect
Mae Gwella Stryd Christina wedi rhoi cyfle i godi ansawdd amgylcheddol yr ardal, gan ei gwneud yn lle mwy diogel a deniadol i breswylwyr fyw, gweithio a chwarae ynddo. Cyn y cynllun, roedd yn yr ystâd ardaloedd parcio mawr, llwybrau anniffiniedig i gerddwyr a diffyg lle amddiffynnol ar gyfer eiddo preswyl. Mae’r gwelliannau’n ategu’r gwaith o adfywio Canolfan Gymdogaeth Sgwâr Loudoun a Chanolfan Gymunedol Butetown.
Yn ystod y broses weithredu, penododd y contractwr, Alun Griffiths, Swyddog Cyswllt Cymunedol. Ei rôl oedd ymgysylltu â phreswylwyr lleol a nodi cyfleoedd ar gyfer hyfforddiant a chyflogaeth leol. Roedd y gweithgareddau a’r ymgysylltu â phreswylwyr yn cynnwys:
- Cwrs basgedi crog
- Addysg diogelwch safle i blant ysgol a bwletinau adeiladu misol i breswylwyr.
- Gweithio’n agos gyda Choleg Caerdydd a’r Fro i drefnu hyfforddiant ar y safle i fyfyrwyr oedd yn astudio gwaith gosod brics.
Gwaith a gwblhawyd
Mae’r gwelliannau wedi’u gwneud yn cynnwys:
- Creu a gwella lle amddiffynnol ar gyfer eiddo sy’n bodoli eisoes
- Creu llwybrau cryf i gerddwyr drwy’r ystâd, yn enwedig o’r gogledd i’r de o Stryd Maria i Sgwâr newydd Loudoun
- Creu ardal parcio gymunedol sy’n ddiogel, yn hygyrch ac sy’n cael ei goruchwylio’n ddigonol
- Creu mannau anffurfiol ar gyfer rhyngweithio cymdeithasol a chwarae mewn amgylchedd sy’n addas i gerddwyr
