Mae ardal Trelái a Chaerau wedi cael ei dewis ar gyfer Rhaglen Balchder Bro Llywodraeth y DU — menter 10 mlynedd sy’n buddsoddi’n uniongyrchol mewn cymdogaethau, gan roi’r pŵer i bobl leol lunio prosiectau, cryfhau eu cymunedau, a chreu lleoedd ffyniannus.
Rydym yn chwilio am Gadeirydd Bwrdd Cymdogaeth i ddarparu arweinyddiaeth annibynnol ar gyfer y Rhaglen Balchder Bro yn Nhrelái a Chaerau, fydd yn goruchwylio cronfa fuddsoddi gwerth £20 miliwn a sicrhau bod penderfyniadau’n cael eu gyrru gan flaenoriaethau trigolion a chymunedau.
Mae hwn yn gyfle unigryw i gefnogi newid hirdymor, dod â phobl at ei gilydd, a helpu lleisiau lleol i lunio dyfodol eu hardal.
I gael rhagor o wybodaeth am Balchder Bro a rôl Cadeirydd y Bwrdd Cymdogaeth, gweler Prosbectws y Rhaglen Balchder Bro
E-bostiwch balchderbro@caerdydd.gov.uk os oes gennych chi unrhyw gwestiynau am y cynllun
Llenwch Ffurflen Mynegi Diddordeb erbyn 06/04/2026
Mae’r Rhaglen Balchder Bro yn Fenter llywodraeth sy’n darparu buddsoddiad hirdymor yn uniongyrchol i gymdogaethau, gan alluogi pobl leol a grwpiau cymunedol i lunio a chyflawni prosiectau sy’n adeiladu cymunedau cryfach, creu lleoedd ffyniannus, ac yn rhoi llais ystyrlon i drigolion ar ddyfodol eu hardal.
Bydd Cadeirydd y Bwrdd Cymdogaeth yn rhoi arweinyddiaeth annibynnol i’r Rhaglen Balchder Bro yn Nhrelái a Chaerau, gan oruchwylio’r gwaith o reoli cronfa fuddsoddi cymdogaeth gwerth £20 miliwn dros y 10 mlynedd nesaf.
Bydd y Cadeirydd yn gweithredu fel pencampwr dros Drelái a Chaerau a’r preswylwyr yno, gan sicrhau bod y broses o wneud penderfyniadau yn cael ei arwain gan y gymuned a bod y Rhaglen yn cynnig manteision cymdeithasol, economaidd ac amgylcheddol parhaol.
Bydd y Cadeirydd yn cynnull ac yn arwain y Bwrdd Cymdogaeth, yn darparu
goruchwyliaeth strategol, ac yn cefnogi ymgysylltu fel bod pobl leol yn cael llais
uniongyrchol wrth lunio dyfodol eu hardal. Mae hwn yn gyfle unigryw i gryfhau
cymunedau, creu lleoedd ffyniannus, a grymuso trigolion i gymryd rheolaeth o’u
cymdogaeth.
Disgwylir i hon fod yn rôl wirfoddol, yn debyg i rôl llywodraethwr ysgol neu ymddiriedolwr elusen. Fodd bynnag, er mwyn sicrhau bod gan Fyrddau Cymdogaeth yr arweinyddiaeth gywir, ac i agor y swydd i ymgeiswyr na fyddent fel arall yn gallu cyflwyno eu hunain, gellir darparu taliad sylfaenol bach o gyllid capasiti pwrpasol y rhaglen i dalu am amser y Cadeirydd.
Bydd y swydd am dymor sefydlog cychwynnol o 2 flynedd gyda’r posibilrwydd o ymestyn wedi’r cyfnod cychwynnol.
Yr hyn yr ydym yn chwilio amdano
- Arweinydd uchel ei barch gyda chysylltiadau cryf, sefydledig â’r ardal.
- Unigolyn sy’n poeni’n ddwfn am y gymuned leol a’i dyfodol.
- Darparu arweinyddiaeth strategol a goruchwyliaeth ddiduedd dros y rhaglen.
- Cyfathrebwr hyderus sy’n gallu uno pobl, adeiladu perthnasoedd, ac
annog cydweithio. - Rhywun sydd wedi ymrwymo i degwch, cynhwysiant, a sicrhau bod
penderfyniadau’n cael eu llunio gan drigolion. - Yn gallu adeiladu pwrpas a rennir a meithrin cydgytundeb ynghylch cenhadaeth y Bwrdd i wella’r ardal.
- Yn fedrus wrth ddod i gonsensws, gan ymdrin ag anghytuno yn ddigynnwrf a
diduedd, a chynnal ffocws ar gynnydd. - Yn gallu uno grwpiau cymunedol a rhoi ymgysylltu â’r gymuned wrth wraidd
y rhaglen. - Yn meddwl yn greadigol ac yn ochrol wrth ddatrys problemau a dod o hyd i ffyrdd ystyrlon o gynnwys lleisiau lleol.
Sgiliau a phriodoleddau Cadeirydd da:
- Teg a chytbwys, gan sicrhau bod pob llais yn cael ei glywed
- Da am hwyluso sgyrsiau, yn enwedig pan fo gwahaniaethau barn
yn dod i’r amlwg - Yn agored i ddysgu, i adborth a datblygiad, a diddordeb mewn mentora ac
uwchsgilio eraill - Yn groesawgar, agored a gwrando’n ddwys ar eraill
- Digynnwrf o dan bwysau a rheoli gwrthdaro yn dda
- Amser ganddo i flaenoriaethu’r rôl
Prif gyfrifoldebau:
- Helpu i recriwtio a dod â Bwrdd Cymdogaeth at ei gilydd sy’n cynnwys
mwyafrif y gynrychiolaeth o blith trigolion lleol. - Arwain a chadeirio’r Bwrdd, gan sicrhau llywodraethiant cryf a chydweithio
effeithiol. - Gweithredu fel pencampwr i’r gymuned, gan sicrhau bod lleisiau lleol yn
siapio gwneud penderfyniadau. - Sicrhau yn rhagweithiol bod lleisiau’r gymuned sydd wedi’u thangynrychioli yn cael eu cynnwys ac y gwrandewir arnynt.
- Goruchwylio datblygiad y Cynllun Balchder Bro sy’n gosod gweledigaeth y
buddsoddiad, dros y 10 mlynedd nesaf ar gyfer yr ardal.
