Lôn Bryn Hyfryd, Llanrhymni

Wedi’i leoli’n gyfleus oddi ar Heol Casnewydd yn Llanrhymni, mae tŷ pen rhes dwy ystafell wely deniadol.

Wedi’i adeiladu yn 2019, mae’r eiddo yn agos at siopau gan gynnwys Rhodfa Countisbury, tafarndai a bwytai lleol, Canolfan Hamdden y Dwyrain ac mae ganddo gysylltiadau trafnidiaeth gwych i ganol y ddinas, yr M4 a thu hwnt.

Mae hefyd yn nalgylch nifer o ysgolion cynradd gan gynnwys Ysgol Gynradd Pen y Bryn ac Ysgol Bro Eirwg ac ysgolion uwchradd gan gynnwys Ysgol Uwchradd y Dwyrain ac Ysgol Gyfun Gymraeg Bro Edern.

Mae’r tŷ mewn cyflwr da ac wedi’i addurno i safon da. Mae ganddo wydr dwbl drwyddi draw, lloriau o ansawdd da yn yr eiddo cyfan, boeler cyfunol gradd A, system gwres canolog nwy, synwyryddion mwg a charbon monocsid wedi’u cysylltu â’r prif gyflenwad a system taenellu, nifer o gypyrddau storio ynghyd â mynediad i’r atig drwy orddrws ac ysgol, toiled ar y llawr gwaelod, dwy ystafell wely ddwbl, ystafell ymolchi deuluol, parcio dynodedig a chegin / ardal fwyta cynllun agored yng nghefn yr eiddo gyda drysau sy’n agor allan ar ardd o faint da, gyda mynediad o’r cefn.

Gwybodaeth am yr Eiddo

Cyntedd – Ardal mynediad o faint da gyda llawr finyl effaith derw, carped a mynediad i’r toiled llawr gwaelod a’r cwpwrdd storio. Goleuadau allanol wrth y drws ffrynt.

Toiled (2.05m x 1.20m) – Toiled llawr gwaelod wrth y cyntedd gyda mynediad i gwpwrdd storio mawr.  Toiled gwyn a basn llaw golchi gyda llawr finyl llwyd tywyll.

Lolfa / Ardal fwyta (4.69m x 3.95m) – Lolfa eang i gefn yr eiddo gyda drysau Ffrengig yn agor allan i’r ardd a llawr finyl effaith derw.   Goleuadau nenfwd a pholion llenni i aros.

Cegin (2.57m x 3.19m) – Cegin fodern wedi’i ffitio’n llawn ym mlaen yr eiddo gyda chypyrddau cegin lliw hufen, arwynebau gwaith du a theils wal llwyd, popty trydan integredig, hob nwy gyda ffan echdynnu uwchben.  Llawr finyl effaith derw, ffenestr allanol a lle ar gyfer nwyddau gwyn.

Prif ystafell wely (4.69m x 3.79m ar y mwyaf) — ystafell wely ddwbl fawr i flaen yr eiddo gyda mynediad i gwpwrdd cysylltiedig a charpedi lliw niwtral. Polyn llenni i aros.

Ystafell wely 2 (4.69m x 3.00m ar y mwyaf) – Ystafell wely ddwbl o faint da yng nghefn yr eiddo gyda charped lliw niwtral, sy’n cael ei defnyddio fel ystafell astudio ar hyn o bryd.   Polyn llenni i aros.

Ystafell ymolchi (1.91m x 2.15m ar y mwyaf) — Swît gwyn gyda chawod uwchben wedi’i chysylltu â’r prif gyflenwad a phanel cawod gwydr, teils wal llwyd a llawr finyl llwyd. Drych a golau ar y wal i aros.

Atig – atig wedi ei bordio sy’n cynnig lle storio ychwanegol.    Gorddrws ag ysgol atig a gyrchir o ben y grisiau ar y llawr cyntaf.

Gardd Gefn — gardd gefn gyda phatio a lawnt, goleuadau allanol.   Sied i aros.

Parcio – 1 lle wedi ei neilltuo gyda lleoedd ychwanegol i ymwelwyr yn y cyffiniau.

Treth Gyngor — C

Deiliadaeth – RHYDD-DDALIAD

Sgôr TPY — B (Dilys tan 03 Ebrill 2029. Adroddiad llawn ar gael ar-lein drwy www.gov.uk)

Gwarant Cyngor Cenedlaethol Adeiladu Tai – yn ddilys tan fis Gorffennaf 2029.

Mae’r holl loriau a rheiliau llenni fel y gwelir ledled yr eiddo, a’r sied ardd i aros.

Mae’r Perchennog hefyd yn barod i dderbyn cynigion am nwyddau gwyn eraill.

Manylion Prynu

Gwerthir yr eiddo hwn fel ECWITI A RENNIR. Bydd yr ymgeisydd llwyddiannus yn prynu cyfran ecwiti o 70% dan Gynllun Cartrefi Cyntaf Caerdydd a bydd yn berchennog cofrestredig 100% ar yr eiddo ar gwblhau’r gwerthiant.

Bydd Cyngor Caerdydd yn cadw’r gyfran ecwiti o 30% sy’n weddill ar yr eiddo.

Nid oes rhent na llog yn daladwy ar y 30%.

Pris

70% o’r Pris Prynu – £150,500

100% Pris – £215,000